Padayong nagpaayo sa Northern Mindanao Medical Center kon N-M-M-C ang usa ka lalake human makaangkon og samad sa nagkadaiyang parte sa lawas dihang aksidenteng mibangga sa naka-parking nga Bongo type, Isuzu Mazda mga ala 6:15 kagahapon sa buntag sa Zone 5, Tin-ao, Barangay Agusan.
Biktima mao si Andrew Orcales, 25 anyos nga taga Barangay 6, Balingasag, Misamis Oriental kinsa driver sa Yamaha motorcyle mio aerox with plate number 1001-343351.
Basi sa resulta sa imbistigasyon, medyo nakababag ang posisyon sa Izusu Mazda samtang naka-park ug wala mabantayi ni Orcales hinungdan nga mibangga kini sa lubot nga bahin sa sakyanan.
Dali usab nga nakaresponde ang ginsakpan sa Oro Resceu ug gidala ang biktima sa N-M-M-C aron matambalan sa mga samad nga naangkon samtang ang motor niini ang gikustodiya na sa Police Station 6, Puerto.
