Daling nagpatala sa kapolisan ang 36 anyos nga si Karen Magno kinsa residente sa 253 8th/17th Street, Barangay Nazareth human magarasan ang iyang gimanehoang Toyota Innova dihang mabundol sa motor nga dunay plate number 1951 KG.
Saysay ni Magno, alas 2:41 sa hapon gahapong adlawa, samtang nagmaneho kini padulong sa SM Downtown Premier, kalit kining nabundolan sa naghaguros nga motor hinungdang na-damyos ang atubangan nga bumper sa iyang sakyanan.
Human sa hitabo, dali matud pang misibat ang driver sa motor nga nakabundol ug wala manubag sa bayranan sa damyos sakyanan ni Magno.
Kaso karon ang gi-refer sa RTA ug LTO alang sa tukmang disposasyon.
Facebook Comments
