Driver sa Rural bus nga naka ligis sa driver sa motor nga namatay, gawasnon na!

Sindangan, ZDN-Human sa nahitabong aksidente didto sa may brgy. Maras, Sindangan, ZDN sa miging adlaw mga 11:25AM nga gilambigitan sa usa ka driver sa single motor ug Rural bus Transit nga kung diin patay gayud ang driver sa motorsiklo.

Kahinumduman ang Rural Bus gimaneho kini ni Leo Emotin Nugas nga taga West Pob. Rizal, ZDN samtang ang motorsiklo nga Rusi gimaneho usab ni Ariel Colot nga taga Purok 5, Brgy. Goleo, Sindangan, ZDN.

Sa resulta sa imbistigasyon, ang maong motorsiklo giguyod kini sa lain pang motorsiklo apan aksidenteng nawad-an ug balanse ang drayber sa maong motor hinungdan nga natumba kini ug nalabay gikan sa iyang gisakyan nga motorsiklo.


Atol usab nga naglawig ang Rural Bus nga kasugat sa biktima, gisulayan pa unta ug preno apan dili na madala sa drayber sa bus hinungdan maayong pagkalatay ug gidaro pa ang biktima pila ka metro ang gilay-on, hinungdan nga nagka bali-bali ang kabukogan sa biktima ug maoy hinungdan sa iyang diha-diha nga kamatayon.

Kagahapon nag nagkasabot na ang pamilya sa biktima ug ang driver sa Rural Bus Transit nga mag amicable settlement ug bayaran nalang kun pila ang nahimong danyos ug pagpalubong sa biktima.

Facebook Comments