General Santos City–Posibleng mag-atubang ug kasong recless Imprudence resulting to homicide ang driver sa trailer truck nga si Romeo Encela, Legal age nga taga Butuan City human nga nabangga patay sa likod nga bahin sa iyang gimanihuang truck ang motoristang si Bernard Bantong, 17 anyos nga taga Barangay Batomelong, Gensan.
Nahitabo ang pagbangga sa biktima sa likod nga bahin sa truck sa may Purok 4, Barangay Tinagacan alas 6:30 ang takna sa gabie niadtong Myerkules.
Sumala ni Police Staff Sergeant Marvin Clom, imbistigador sa Traffic management Unit-Gensan base sa ilang imbistigasyon nasuta nga naka-park sa outer lane ang trailer truck tungod dunay ginaayo, apan kalit mibangga ang biktima sa likod nga bahin nga hinungdan sa iyang kamatayon.
Dugang pagbutyag ni Cloma nga basi sa ilang pag-imbistiga, naka- hazard ang truck apan nabanggaan gihapon sa biktima.
Gikaingong aduna kini gilikayan nga sakyanan apan sa iyang paglikay nasangit kini sa likod nga bahin sa trailer truck.
Tungod sa kusog nga impact nakabaton ug grabeng samad ang biktima nga hinungdan sa iyang kamatayon.
