Driver sa truck nga nakabangga sa tricycle sa Barangay Apopong-tudo depensa

*General Santos City–*Tudo depensa ang driver sa truck nga si Carlo Barda Jr. human nga iyang nabanggaan ang usa ka tricycle nga gikamatay sa ginang nga si Anabelle Eupeña, 54, anyos ug pagkaangol sa bana niining driver nga si Virgilio Eupeña, pulos residenti sa Purok DBP, Barangay Apopong ug lain pang biktima nga si Saturnino Almacar, 45 anyos, residenti sa Yu Village, barangay Apopong.

sumala ni Barda nga kalit lang nga mibalhin sa lane nga gidaganan sa iyang truck ang tricycle nga gisakyan sa tulo ka mga biktima. Uwahi na dihang iyang nabantayan maong maayo gyung pagkabangga niini sa iyang headlight.

Gibutyag pa ni Barda nga gibangga una sa usa ka kotse ang tricycle ug nalabay kini sa pikas lane mao nga iyang nabanggaan. Dugang pagbutyag sa driver nga posibling tungod sa kakusog sa impact sa pagbangga sa kotse nga gimanihuan sa wala mailhing driver nalabay gilayon sa pikas lane ang tricycle.


Nasayran nga pila pa ka higayong mituyok ang tricycle ayha niya kini nabanggaan. Dili matud pa kusog ang iyang dagan apan tungod sa impact mugna sa pagbangga sa kotse hilabihan gyud ang nahimong danyos niini. Nasayran nga paspas usab nag misibat ang kotse human sa insidenti.

Facebook Comments