Driver sa usa ka government office arestado sa buy-bust

Davao City – Sikop sa kapulisan sa Toril ang usa ka driver sa City Agriculturist Office dinhi sa syudad sa Davao human gikasa ang buy-bust operation alas 11:15 sa buntag sa Roxas Extension, Brgy. 32-D, Davao City.

Ang dinakpan nailang usa ka Erwin Decano, 30 anyos, nagpuyo sa Purok 5 Alambre, Toril ning dakbayan apan una gikasa ang buy-bust operation, nakigkoodinar una ang kapulisan sa Toril ngadto sa Sta. Ana Police Station.

Ang dinakpan malampusong napalitan og usa ka sachet nga shabu kambiyo ang buy-bust money apan wa ka matikod ang suspek nga ang iyang gikatransak mga sakop sa awtoridad resulta sa pagka-aresto.


Narekober sa kapulisan gikan sa dinakpan ang usa ka pakete nga shabu nga adunay estimated street value nga P7, 000 pesos lakip nakumpiska ang usa ka cellphone ug mga illegal drugs paraphernalia.

Ang dinakpan gidala na sa Toril Police Station ug mag atubang og kasong kalapasan sa R.A 9165 (Comprehensive Dangerous Drugs Act of 2002).

RadyoMaN Don Pulayao

Facebook Comments