Driver sang ambulance, 3 ka pasahero, naospital matapos nakabunggo sa trak

144

BAGO CITY, NEGROS OCCIDENTAL – Driver sang ambulance kag tatlo niya ka pasahero naglanding sa ospital matapos nakabunggo sa isa ka truck sini nga kaagahon sa area sang Brgy. Sampinit, Bago City.

Nakilala ang driver sang ambulance nga si Ramil Buhisan, 46 anyos ang edad, residente sang Purok Malipayon, Brgy. Sibucao, banwa sang San Enrique.

Samtang ang iya naman pasahero amo sanday Zyra David, isa ka tuig ang edad, pasyente nga sakay sang ambulance, Milandro David, 54, amay sang pasyente kag si Dian Traba.

Suno sa pagpangusisa sang pulis, may mga las 3:10 sini nga kaagahon sa Rafael Salas Drive, Brgy. Sampinit, ciudad sang Bago, nagadalagan ang ambulance sang ini ang nakabunggo sa likod nga bahin sang Isuzu truck nga halin sa Sur pakadto sa Norte.

Bangud sini, nag-angkon sang pilas ang kag ang iya mga pasahero gani ini sila ang gindala sa ospital sa Bago City./dyHB BACOLOD

Facebook Comments