PONTEVEDRA, NEGROS OCCIDENTAL – Nasapwan na lang nga patay na ang isa ka lalaki nga naga driver sang motorsiklo matapos ini ang naaksidente kag nalampos ang ulo kahapon sa Brgy. DSB, banwa sang Pontevedra.
Nakilala ang biktima nga si Richard Bello, 44 anyos ang edad, residente sang Brgy. RSB, ciudad sang La Carlota.
Ginpahayag ni PSInsp. Ryan Salazar, hepe sang Pontevedra PNP nga ang biktima ang nasapwan sang pila ka residente sa area sang Hacienda Carmencita, Brgy. DSB, Pontevedra.
Samtang, suno naman sa imbestigasyon sang pulis, ang biktima naga drive sang motorsiklo sang ini ang nadisgrasya sa rough road kag natumba.
Bangud sang amo nga aksidente, nalampos ang ulo ni Bello nga amo ang posible gintunaan sang iya kamatayon./dyHB BACOLOD
Facebook Comments
