VICTORIAS CITY-Isa ang patay, duha ang pilason sang madulaan sang preno ang truck nga may karga nga tubo sa ciudad sang Victorias, las-3:21 sang hapon, Enero 17.
Nagadalagan halin sa norte padulong sur nga direksyon ang truck nga ginamaneho ni John Ronald Bascon sang Cadiz City sang ini ang madulaan sang preno sa bahin sang Osmeña Avenue kag aksidente sini nga nadalasa ang ginasundan ang iban pa nga mga salakyan lakip na ang motor nga ginamaneho ni Richard Espirito, 46-anyos, tumandok sang Hacienda Teresa, Manapla, apang nagapauli sa Bago City.
Suno kay Police Staff Sergeant Alfredo Javellana, traffic investigator sang Victorias City Police Station, matapos nga nadalasa sang truck ang mga salakyan nga ginasundan sini, ginwahig sang driver ang manibela agud indi sini madalasa ang mga nagakumpanyar nga paguwa sa simbahan, rason nga nabungguan sini ang nagasugata nga motorsiklo ni Espirito.
Bangud sini, dead on arrival sa Dr. Ramon Gustilo Hospital sa banwa sang Manapla si Espirito. Samtang nakaangkon naman sang minor nga pilas sa lawas sanday Enrique Templora kag Charita Cuevas, nga sakay sang traysikol nga una nadalasa sang truck.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
