Dead on arrival sa hospital ang driver sang motorsiklo sa nagluntad nga disgrasya sa dalanon sa atubang sang Golden Valley Cemetery, Brgy. Zone IV, Koronadal City,.pasado alas 5:00 kahapon sang aga, Enero 20, 2021.
Sa imbestigasyon sang Koronadal CPS isa ka Yamaha Stx 125 ang imbolbado nga ginamaneho ni Angelo Pandat Aloy, 29 years old, single kag backrider nga ginkilala kay Jimmy Pendatun, 21 years old, single, pareho residente sang Salkan, Brgy. Paraiso, Koronadal City.
Sa dugang nga imbestigasyon ang motorsiklo ang padulong sa Brgy. Paraiso, kag pag-abot sa nasambit nga lugar ang driver ang nadulaan sang kontrol sa ginamaneho nga motorsiklo tungod sa kurbada nga dalan kag aksidente ini nga nahulog sa canal.
Resulta ang driver kag backrider ang nakaangkon sang physical injuries nga pareho gindala sa South Cotabato Provincial Hospital,apang ang driver sang motorsiklo ang gindeklarar nga patay sang attending physician.
