Driver sang motorsiklo patay matapus nabungguan sang truck sa Barangay Sum-ag syudad sang Bacolod

Patay ang driver sang isa ka motorsiklo matapus nga mabungguan sang truck la una kahapon sang kaagahon, Oktubre 11, sa Purok Progreso, dalan Araneta, sakup sang Barangay Sum-ag syudad sang Bacolod.

Ginkilala ang biktima kay Edgardo Fernandez, 26 anyos, residente sang Purok Tinagong Paraiso, Barangay Banago sa amo man nga syudad samtang ginamaneho naman ni Orlando Prado, 27 anyos, residente sang banwa sang Moises Padilla ang truck.

Suno sa traffic investigator sang Police Station 9, na-alang alang sa pag-over take si Fernandez sa truck rason nga natumba ini kag aksidente nga nagbunggo ang lawas sa panguna nga goma sang truck.


Nag-angkon sang malala nga pilas sa lawas si Fernandez nga gintunaan sang iya kamatayon samtang detained karon sa custodial facility sang Station 9 si Prado.

[image: image.png]

Facebook Comments