Driver sang motorsiklo, patay sa disgrasya sa dalanon sa Norala, South Cotabato.

49

Patay ang driver sang isa ka motorsiklo nga imbolbado sa disgrasya sa dalanon sa barangay road sang Purok Mercado Rizal, Brgy. Poblacion, Norala, South Cotabato pasado alas 11:00 sang aga sang Disyembre 6, 2020.
Ginkilala ang biktima kay Ariel Faulve Famulag, 37-anyos kag residente sang Brgy. Liberty, Norala South Cotabato.
Sa imbestigasyon sang Norala MPS ang Suzuki motorcycle nga ginamaneho sang biktima ang aksidente nga nabungguan sa nasambit nga lugar sang isa ka unit sang Sedona Red Mitsubishi Montero Sport Wagon ginamaneho ni Tristan Fabillon Laroza, 31-anyos, negosyante kag upod ang pasahero nga si Camilo Fresnido Estaza, 66 –anyos kag pareho residente sang Purok Mabine Brgy. Lapuz, Norala, South Cotabato.
Gindala pa sa ospital ang biktima, apang gindeklarar nga patay sang attending physician, samtang ang pasahero sang Montero Sport ang gin-admitir man sa Norala District Hospital kag ang driver ang gindala sa Norala MPS para sa imbestigasyon.

Facebook Comments