Driver sang patrol car sang Escalante City PNP ginluthang patay sa sulod sang iya balay

Nagapadayon ang imbestigasyon sang kapulisan sa pagluthang-patay sa driver sang patrol car sang Escalante City Police Station sa sulod mismo sang iya balay sa Sitio Bautista, Brgy. Malasibog, Escalante City.

Las-8:40 sang aga sang Oktubre 10, nagalantaw sang TV ang biktima nga si Arjie Bautista, 33-anyos, upod sa iya kabataan, sang gintawag ini paguwa sa iya balay. Sang yara na sa terasa sang ila balay si Bautista, nagbalik ini pasulod sang iya namutikan nga nabutang siya sa alang-alang bangud sang napulo ka armado nga kalalakin-an.

Ginpaarakan sang luthang sang isa sa mga suspek ang biktima sang ini ang nagbalik pasulod sa ila balay sa diin nakaangkun ini sang multiple gunshot wounds. Ginsulod man sang mga suspek ang balay sang biktima kag ginpang-ukay ang iya personal nga kagamitan kag gilayon sila nga nagpalagyo padulong sa nabukid nga bahin sang Sitio Minaungka, Brgy. Malasibog.


Narekober naman sa crime scene ang tatlo ka fired cartridges sang M16, kag isa ka fired cartridge sang caliber .45 nga armas.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments