Usa ka joint buy-bust operation ang gilusad sa mga otoridad diha sa Purok Bagong Silang, Brgy. Tubod ala 1:30 ang takna kaganinang kadlawon.
Gipahigayon ang operasyon pinaagi sa hiniusang pwersa sa City Drug Enforcement Unit (CDEU), PDEA 10 Camiguin Team ug Iligan City Police Station 4.
Giila ang nasikop nga suspek nga si JONHRY CRUZ Y NANAMAN, 38 anyos, ulitawo, driver ug lumulupyo sa maong dapit.
Napalit sa mga otoridad gikan sa suspek ang usa ka pakete sa gituhuang shabu nga nagkantidad og P500 ug narecover usab ang laing 3 ka mga sachet nga ginabanabanang nagkantidad og P10,000.
Temporaryong gibalhog sa detention cell sa Police Station 4 ang suspek ug andam na ang kasong ipasaka niini nga paglapas sa Republic Act 9165 o Comprehensive Dangerous Drugs Act of 2002.
