Driver ug CAFGU patay sa pinusilay

27

Davao de Oro – Patay ang duha katao samtang usa ang naangol human nagpinusilay alas 4:45 sa hapon sa Kimjames Subdivision, Brgy. Poblacion, Maragusan, Davao de Oro.

Giila ang mga namatay nga sila Roy Tenaja, 42 anyos ang pangidaron, tricycle driver, residente sa nahisgutang lugar ug Jonel Verano, 31 anyos, ulitawo, CAFGU member, residente sa Sitio New Cebu, Brgy. Magcagong, lungsod sa Maragusan samtang ang suspek mao si Henry Zabate, 40 anyos, ulitawo, residente sa Barangay Mt. Diwata, lungsod sa Monkayo.

Sumala sa report sa Maragusan Municipal Police Station, gipusil sa suspek ang biktima nga si Roy Tenaja, sa makadaghang higayon gamit ang .45 nga pistola apan miresponde si Jonel Compoc pinaagi sa pagpusil sa suspetsado apan nakabalos ang suspek hinungdan sa kamatayon sa duha ka mga biktima.

Nasikop sa kapolisan ang suspek ug gidala sa Davao Regional Medical Center sa syudad sa Tagum.

Padayon pang giinbestigahan sa kapolisan ang insidente aron masayran ang hinungdan.

RadyoMaN Jules Catisay

Facebook Comments