Droga: National security threat

Davao City – Gikonsidera na karon nga dakung hulga sa atong nasudnong seguridad ang padayong pagkuyanap karon sa gidiling droga dinhi sa Pilipinas.

Sumala ni Philippine Drug Enforcement Agency (PDEA-XI) Regional Director Antonio Rivera, aduna nay mga politiko nga protector ug sakop na sa sindikato nga makaapekto na kini sa panggobyerno.

Matud ni Rivera, gikinahangkan gayud ang partisipasyon sa katawhan aron matabangan ang kampanya sa gobyerno kontra droga.


Giklaro sa hepe sa PDEA-XI nga usa sa gimugna karon mao ang Inter-Agency Committee on Anti-Illegal Drugs (IACAD) nga gilangkuban sa mga ahensya sa gobyerno nga gibahin sa upat ka ‘cluster’ apil na dinhi ang AFP, PNP, PDEA, NICA ug Justice Cluster.

Tumong niini aron mas mapakusog pa ang kampanya batok sa illegal drugs.

Gipasabot usab ni Rivera nga dili lamang ‘Oplan Tokhang’ ang ginahimo karon sa mga awtoridad apan apil na dinhi ang istratehiya kun doktrinang ‘Tapang at Malasakit.’

Gidugang sa hepe nga ang ‘Tapang’ component mao na ang enforcement aspect sa balaud samtang ang ‘Malasakit’ dimension mao ang rehabilitasyon sa mga naggamit sa droga.

RadyoMaN Bernard Pantallon

Facebook Comments