Drowning victim napalgan na

325

Davao City – Gikumpirma sa mga tagtungod nga ang narekober nga patayng lawas nga naglutaw sa dagat sa may South San Juan, Barangay Centro Agdao Biyernes sa hapon mao si Clark Jason Casayuran, 21 anyos.

Sa eksklusibong interbyu sa RMN Davao sa amahan nga si Edison Casayuran niadtong Martes sa gabie na-missing na ang iyahang anak human nga nakulob ang ilahang gisakyang bangka atol sa ilahang pagpamasol uban ang iyahang igagaw nga si Joseph Lauronal niadtong petsa 19 adlawng Martes.

Gikanayon sa iyahang igagaw nga naningkamot siya nga makaabot sa dagat aron makapangayo’g tabang atol sa insidente ug nakita pa niya ang biktima nga nagkumpayot sa nakulob nila nga bangka.

Samtang matud ni Coast Guard Station Davao Commander George Maganto nga pasado ala-una ilahang nadawat ang impormasyon nga adunay patay’ng lawas sa tao ang nakaplagan nga naglutaw sa dagat.

Anaa na sa state of decompisition ang patayng lawas sa biktima atol sa pagrekober sa mga personahe sa Coastguard.

Pasidaan ni Maganto sa tanang mamasol o mangisda nga manigaradong adunay baon nga life jackets aron makatabang panahon sa mga disgrasya sa kadagatan.

RadyoMaN Aimee Guinita

Facebook Comments