Drug cleared barangay sa Surigao Norte napun-an

40

Nadugangan ug 53 ka mga barangay sa lalawigan sa Surigao del Norte ang nadeklarang drug cleared kagahapon.
Ang maong deklarasyon gihimhu pinaagi sa Barangay Drug Clearing Program (BDCP) Regional Oversight Committee (ROC) nga gipangulohan ni PDEA Reg’l Dir. Aileen T. Lovitos.
Gilangkoban kini sa 14 ka mga barangay nga sakop sa lungsod sa Claver, 8 gikan sa Bacuag, 4 sa Gigaquit, 21 sa Surigao city ug 6 gikan sa Sison; sa probinsya sa Surigao del Norte.
Gihimu ang pagdeklara human kini girekominda sa BDCP SDN Provincial Oversight Committee human usab sa sub-sub nga pre-assessment ug pre-validation nga gipahigayon.
Pinasikad niini nga deklarasyon, nahimu nang drug cleared ang tanang mga barangay sa lungsod sa Bacuag, Gigaquit ug Claver.
Sa kinatibok-ang 1,311 ka mga barangay sa rehiyon sa Caraga, anaa na sa 897 kon 68.42% ang nakonsiderang luwas sa illegal nga droga.
[image: drug free 2.jpg]

Facebook Comments

From Advertisers