DRUG CLEARED | Kapin 300 ka barangay sa WV, natalana ideklarar sang PDEA nga drug cleared

59

Kapin sa 300 ka kabarangayan sa Western Visayas ang natalana nga igadeklarar nga drug cleared barangays sang Philipine Drug Enforcement Agency ukon PDEA 6.

Ini ang ginpahayag ni PDEA 6 director Wardley Getalla .

Suno kay Getalla nga natapos na sang Regional Oversight Committee ang deliberasyon sa mga application sang natungdan nga mga barangay agud mangin drug cleared.

Gin-umpisahan sang komite ang deliberasyon sang 45 ka barangay sang Enero, 120 ka barangay sang Pebrero kag 135 ka barangay sang bulan sang Marso.

Suno kay Getalla nga maid-id pa nga gina-revalidate sang committee ang candidate barangays antis ideklarar ang mga ini nga cleared na sa illegal nga druga.

Suno sa iya nga kalabanan sa sini nga mga barangay ang nagikan sa Probinsya sang Aklan.

Sa tion nga madeklarar nga drug cleared ang natungdan nga mga barangay , liwat ini nga ipaidalum sa revalidation makaligad ang tatlo ka bulan kabangdanan nga kinahanglan nga dapat i-mentenar gid sang mga ini ang ila status kag siguruhon nga indi na makasulod liwat ang ilegal nga druga sa ila barangay.

Facebook Comments