Drug Drop Box molampos kung mokooperar ang katawhan

14

Davao City- Magmalampuson lamang ang kampanya batok gidiling droga sa barangay kung mo kooperar ang katawhan. Kini ang nahimutang panlantaw ni Barangay 76-A Bucana , barangay Kapitan Rolando Trajera kabahin niining laing matang sa kampanya batok gidiling droga sa matag barangay pinaagi sa Drug Drop Box.

Sumala ni Trajera, usa kini ka maayo nga lakang sa nagpadayong kampanya sa gidiling droga ilabina nga dunay mga nagsurrender na kaniadto apan mibalik na usab sa ilang kalihukan sa droga, ilabina nga ang iyang barangay usa sa pinakadako nga barangay sa poblacion ug daplin usab sa dagat.

Dako usab ang pagtoo ni kapitan Trajera nga walay matigayong binuang o sabotahe niini nga matang sa kampanya tungod kay ipailalom pa kini sa makuting pagsubay (validation) aron masiguro ug matabangan ang kadtong gustong magbag-o aron hingpit nga moundang sa kalambigitan sa droga.

Sa pikas bahin, wa usab gilimod sa barangay kapitan sa Barangay Daliao, Toril District syudad sa Davao nga ang mga drug reformist nila ang uban nanglayas na, ang uban hingpit nang nagbag-o samtang ang uban mibalik na usab sa paglambigit sa gidiling droga.

Sumala ni Barangay Daliao barangay captain Rodulfo Te, ang sistema sa kampanya makatabang ug dili masagulan og binuang tungod kay duna may himoong makuting validation sa mga pangalan nga ibutang sa mga Drug Drop Box.

RadyoMan Bernard Pantallon

Facebook Comments