Drug Drop Box walay pulos

15

Davao City- Wala gihapo’y hinungdan ang pagbutang og Drug Drop Box sa mga lokalidad kun sa mga barangay nga plano ipatuman sa Department of Interior and Local Government (DILG).

Panglawgaw lang kuno sa seryoso nga kampanya kontra droga ang pagpahiluna og Drug Drop Box sa mga kabarangayan sa tibook nasud.

Subay niini, hugot nga gisupak ni Former Anad Partylist Representative ug karon Cebu City Councilor Jun Alcover kinsa numero uno kritiko ni Pangulong Rodrigo Duterte ang laraw sa DILG.

Ang pagbutang og Drug Drop Box sa mga barangay nagpasabot lang nga pildido ang gobyerno sa giyera kontra droga ug dili epektibo ang gigamit nga pamaagi sa kampanya.

Gisugyot ni Alcover ngadto sa DILG nga inay drop box mas maayo kun gamiton ang City Anti-Drug Abuse Council ug Barangay Anti-Drug Abuse Council isip tulay sa mga impormasyon sa atong mga otoridad.

Giingon pa ni Alcover nga nahimong hisgutan sa mga kapitan sa sugbo ang laraw sa DILG diin kadaghanan kanila dili pabor sa pagmuntar og Drug Drop Box.

Gikatakda mupalanog si Councilor Jun Alcover sa iyang privilege sa konseho sunod semana aron iyang ipalanog ang iyang pagsupak niini.

Samtang pabor kini nga mabalik sa Philippine Drug Enforcement Agency ang drug war apan angay bundakan sa dakong suporta sa kagamhanan ang mao nga ahensiya.

RadyoMan Joel Viray

Facebook Comments