Drug-free workplace policy gidayeg

Davao City – Gilantaw nga usa ka dakung hagit ang pag-establisar karon sa usaka matuod nga ‘drug-free workplace’ environment pinasikad sa usaka ordinansa dinhi sa Davao City.

Alang ni Councilor Joselle Villafuerte, chairman sa Committe on Health sa Sangguniang Panglungsod sa Davao, ang drug addiction usa ka sakit nga gikinahanglan nga hatagan og hingpit nga pagtagad.

“I treat drug use as an illness….drug use, not drug dealing. The policy is there to help the worker. If they need attention, counseling or treatment in a rehab center, then they will be able to get it if we have a drug-free workplace policy in all establishments,” segun ni Villafuerte.


Matud ni Villafuerte, dili angay mahadlok ang usa ka empleyado nga musumite sa iyang kaugalingon sa drug test kung nasayod kini nga luwas siya sa droga.

Sugod karong Enero 2020, required na ang tanang mga kumpanya nga adunay napulo or mas daghan pang mga trabahante nga ipailawom sa drug test ang 10% sa ilang workforce isip rekwisito sa pagkuha ingon man sa pag-renew sa ilang mga business permits.

Niadtong Disyembre 2018, gilagdaan na ni Davao City Mayor Sara Duterte-Carpio ang Implementing Rules and Regulations (IRR) sa ordinansa nga napasar niadtong 2013.

Matud ni Villafuerte, ang silot ngadto sa masayrang magpositibo sa paggamit sa droga mag-agad sa palisiya sa ilang tagsa-tagsa ka mga kumpanya.

“Ang nakalagay sa IRR depende raw ang penalty sa kumpanya kung ano iyong existing na policy about drug use,” matud ni Villafuerte.

Samtang dili mubabag ang Department of Labor and Employment (DOLE-XI) diha sa palisiya sa kumpanya nga ipailawom sa drug tests ang ilang mga aplikante una nila kini dawaton.

Matud ni DOLE XI Asst. Regional Director Atty. Jason Balais, “Kung gi-impose na sa mga kumpanya ang drug test, that is not going to be a violation, walay problema kung himuon nga pre-employment requirement sa employer.”

Gi-eskplikar usab ni Balais nga katungod sa employer kung unsa ang mga rekwisitos nga ilang i-imposar kung mag-hire sila’g mga tao alang sa ilang mga negosyo.

RadyoMaN Aimee Guinita

Facebook Comments