Drug king pin nga taga Cebu, patay sang nagbato sa mga otoridad sa banwa sang Murcia

51

Patay ang isa ka anay Barangay Kapitan kag ginakabig Top 10, High Value Target Individual nga taga-Cebu matapos ini nagbato sa utoridad pasado las 7 kaina sang aga sa isa ka manokan sa Purok 8, Brgy. Minoyan, Murcia.

Ang suspek ginkilala kay Jennifer Mercader, 39 anyos, kasado kag pumuluyo sang banwa sang Borbon sa probinsya sang Cebu.

Suno kay Murcia Municipal Police Station Chief, Lt. John Paul Tabujara sa interview sang DYHB ang suspek nadakpan na sadtong March 2018 bangud sang kaso sa illegal drugs kag illegal possession of firearms.

May 2019, ini siya ang nakatigayon nga makapalagyo sa Medelin District Jail sa probinsya sang Cebu kag ini ang una nga nagpanago sa Brgy. Alegria Murcia apang sang iya namutikan nga gina-monitor siya sang utoridad, ini ang nagsaylo sa Brgy. Minoyan.

Ginpahayag ni Tabujara nga ginakabig ang suspek nga kingpin sang druga sa Cebu kag isa man ka kilala nga serial killer.

Nagapati man ang utoridad nga front gid lamang sang suspek ang manokan kag posible diri ginadagdag ang illegal drugs nga amo ang gina-supply sa banwa sang Murcia.

Ang operasyon ginpatigayon sang mga katapo sang PRO6 kag PRO7 upod ang PDEA kag Murcia PNP.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments