Balasan, Iloilo – Dakop sang mga kapulisan sa ginpatigayon nga drug buy bust operation ang 27-anyos nga lalaki sa Barangay Manhut Sur, Balasan, Iloilo. Ginkilala ang suspek nga si Joshua Alarcon, residente sang Barangay Casanayan, Pilar, Capiz.
Base sa impormasyon nagikan sa Balasan PNP, ginakabig nga isa sa mga high value target sang PNP nga si Alarcon kag nagabaligya sang illegal nga droga sa mga kabanwahanan nga sakop sang quinto distrito sang Iloilo.
Narekober sang mga kapulisan sa kamot sang suspek ang apat ka mga sachets sang suspected shabu, isa ka unit sang cellphone, P200 nga marked money kag one US dollar. Ginpasaka na sang Balasan PNP ang kaso nga paglapas sa RA 9165 ukon Comprehensive Dangerous Drugs Act of 2002 batuk kay Alarcon.
