Patay ang usa ka drug personality sa gipahigayong buy-bust operation sa Koronadal City Police Station ug PPDEUSCCPO, sa Purok Tagumpay, Brgy. GPS, Koronadal City, alas 5:15 sa hapon, niadtong Nobyembre 12, 2020.
Giila ang suspek nga si Datu James Ebrahim Manunggal alias “James”, jobless nga residente sa Datu Salibo, Maguindanao.
Sa operasyon ang police poseur-buyer ug target ang nagsabot nga magkita sa sa Purok Tagumpay, Brgy. GPS, Koronadal City. Napalitan ang suspek ug usa ka medium sachet sa gituohang shabu nga nagkantidad ug P1, 000.00 .
Apan nakamatikod sumala pa ang suspek nga Police ang iyang katransaksyon mao nga nibunlot kini ug armas dayon gipusil ang Police apan nabaslan kini nga hinungdan sa iyang kamatayon. Samtang nakasibat usab ang kaubanan sa suspek.
Nakuha sa posisyon sa nasangpit ang 1 ka medium sachet sa gituohang “shabu” (poseur item), nga may timbang nga kapin kon kulang 0.14 gramos kansa gibana-banaang kantidad ug P1000.00; 4 ka big sachets sa gikatahapang “shabu” nga may gibug-aton nga 20 gramos nga gibana-banaang mokabat sa kantidad nga P 150,000.00; kalibre 45 nga armas ug mga buhing bala.
