Drug personality, patay sa ginpatigayon nga buy- bust operation sa Polomolok, South Cotabato.

Dead on arrival sa ospital ang drug personality sa ginpatigayon nga buy – bust operation sag gintingob nga pwersa sang SCPMFC, RID12 kag Polomolok MPS sa Sitio Sangrela, Brgy. Maligo, Polomolok, South Cotabato.
Ginkilala ang suspek kay Jan Mark Rosales Lucero, 27 years old, single laborer kag residente sang Purok Maria Rosa Brgy. Poblacion sa nasambit nga banwa.
Sa report sang Polomolok MPS nagbato suno pa ang suspek sang namutikan nga polis ang katransaksyon sini rason nga nagdepensa man ang operating team.
May-angot sini, nakaangkon sang igo sang bala ang suspek nga nangin rason sang iya nga kamatayon.
Nakuha naman sa natabuan sang insidente ang 1 ka cal. 45 break open type pistol loaded with cal. 45 fcc., 3 ka fcc sang cal. 9mm, bag nga may unod nga 3 ka heat sealed transparent plastic cellophane nga may sulod nga shabu, 1 ka empty transparent cellophane kag P1,000.00.
Samtang may kabug-aton naman nga more or less 2 grams ang nakumpiskar nga illegal drugs nga nagakantidad sang P13, 720.00.
Ang mga nakumpiskar nga mga bala kag armas ang gindala sang SOCO team para sa proper disposition, samtang ang buy bust item ang gindala sa South Cotabato PCLO para sa crime laboratory examination.

Facebook Comments