Drug pusher arestado sa buy-bust operation

68

Digos City – Armado og .380 nga kalibre sa pistola ang suspek nga si Tristan Howel Banta, alias “Biong”, residente sa Purok Kalaw, Mabini Extension, Digos City sa dihang nakig-transaksyon sa iligal nga droga sa mga ginsakpan sa RSOG ug RPDEU-XI nga gipangunahan ni Police Lt. Welquin T. Enciso.

Wala masayud ang suspek alas 2:00 sa hapon nga ang iyang gika-transact sulod sa Oh John’s Inn, Tienda Aplaya, Digos City, mga sakop na sa awtoridad rason sa iyang pagkaaresto.


Nakuha gikan kang Biong ang usa ka dakong heat sealed transparent plastic sachet nga gituhoang shabu kantidad P75,000.00, ug P500 nga marked money, magazine nga adunay bala sa pistola ug identification cards nga nakapangalan sa suspetsado.

Kapin P400,000.00 ang street value sa gituhoang shabu nga nakompiskar sa PNP Raiding Team ubos sa superbisyon nila P/Lt.Col. Ronald Lim Lao, hepe sa RSOG – RPDEU XI, Talomo Police Precinct ug PIU/PDEU sa hepe nga si P/Lt.Col. Ramil Macarampat.

RadyoMaN Erin Lumosbog

Facebook Comments