ZAMBOANGA CITY—Un alegaomenta drug pusher ya sale muerto durante el drug buy-bust operation del pulis na barrio del Putik del Biernes denoche.
Si Chief Insp. Helen Galvez el portavoz del PRO9 ya nombra conel muerto como si Mercedito Luna y Bucoy, 31, soltero de Pagotaisidro Drive, Putik.
Na imbestigacion ta aparese el maga pulis del Divisoria Police Station ya encabesa el mismo hefe si Supt. Mark Azury a conduci el buy-bust operation que ya man target con Luna banda alas 9 del noche.
Pero asegun duarnte ta man cambiahan ya el marked money y el un paquete de shabu entre el police poseur buyer, ya puede nota si Luna el presencia del otro maga pulis alreredor donde derepente este ya arangca este su .357 revolver.
Pero antes pa man puede tira, ya man una ya maga pulis tira conele hasta ya causa su muerte ensiguidas.
El pulis ya recobri el paquete de shabu y el revolver con complete sais maga bala adentro del bola. – Dan Toribio
