Drug Surrenderee, arestado sa drug buy-bust operation

23

New Washington, Aklan – Natigayon nga maaresto it mga kapulisan ro sangka drug surrenderee it New Washington PNP kaina it agahon sa Brgy. Mataphao, New Washington matapos nga ginpatigayon rong sangka buy-bust operation.
Ro suspek nakilaea kay Darwin Relloso “alyas Tiwak” sa legal nga edad ag residente it Brgy. Candelaria sa nasambit nga banwa.
Nahabakean ro suspek it sangka sachet it ginapatihan nga shabu nga nagabalor it P1,500.00 pesos.
Samtang sa ginpatigayon nga body search sa suspek nahabuoe pa gid sa anang buesa ro daywa ka mga sachet it ginapatihan shabu ag mga kwarta.
Nasayuran nga rayang si Relloso hay dati eon nga nag surrender sa Oplan Tokhang it mga kapulisan ugaling hamonitor nga sigidas pa ro anag pagbaligya it illegal nga droga.
Una man eon ra imaw nga ginpaidaeom sa mga drug transactions pero uwa gid ma-materialized ag kaina eamang imaw nadakpan.
Magapangatubang si Relloso it kasong pagbayolar sa R.A. 9165 ukon Comprehensive Dangerous Drug Act of 2002.

Facebook Comments