Kalibo, Aklan – Dakop sa ginpatigayon nga buy-bust operation ko Sabado it gabii rong sangka drug surrenderee sa may Lambingan, Pook, Kalibo, Aklan.
Raya hay si Jerry Rubico Sim, 52-anyos ag residente it C. Quimpo St., Poblacion, Kalibo.
Nadakpan rong suspek matapos nga mabakean it daywa ka mga sachet it shabu kabaylo it P 3,000.00 pesos.
Samtang na recover man sa suspek sa ginpatigayon nga body search rong kwarta nga P 845.00, ID ag cellphobe nga may drug transactions.
Suno kay PCInsp.Frensy Andrade it PDEU, nga kapin sa ap-at nga buean man nanda raya nga ginsubaybayan bago ginpaidaeom sa buy-bust operation.
Aminado man rong suspek nga dati rayang naga gamit pero nag surrender eon sa “Operation Tokhang”.
Magapangatubang si Sim it kasong pagbayolar sa Sec.5 it RA 9165 o Comprehensive Dangerous Drugs Act of 2002.
