Davao City – Perting mahaya sa usa ka kanhing drug surrenderee human kini nasikop nga namaligya’g droga atol sa gikasang drug buy-bust operation sa mga personahe sa Talomo PNP sa may Iglesia ni Cristo, Brgy. Wilfredo Aquino, Davao City, bandang alas 6:10 sa gabie.
Giila ang suspek nga si Danilo Fabregar alyas Sas ug residente sa Ballener Compound, Brgy. Gov. Paciano Bangoy ning syudad.
Sumala sa ni SPO1 Harold Delima, Investigator sa Talomo PNP nga naaresto ang suspek human kini napalitan og usa ka sachet sa gituohang shabu sa nagpakaron-ingnong buyer.
Nakuha sa posisyon sa dinakpan ang P500.00 nga marked money, usa ka cellphone ug kwartang mokantidad sa P460.00.
Gi-angkon sa dinakpan nga gagamitan siya apan kini maoy unang higayon nga namaligya siya tungod kay gisugo ra siya sa iyang kaubanan nga drug surrenderee nga mamaligya sa gidiling druga.
Balhog sa prisohan ang suspek ug magatubang og kasong may kalapasan sa R.A. 9165 kun comprehensive dangerous drugs act of 2002.
RadyoMaN Aimee Guinita
