KIAMBA, SARANGANI- Nag tingkagol karon sa selda sa PDEA 12 ang usa ka suspek nga naila sa pangalang usa ka Client Jazz Barrientos, 23 anyos, construction worker nga nanimuyo sa Prk 4, Barangay Kling, kiamba Sarangani Province human nga nadakpan sa kapulisan atol sa gipahigayong Search warrant operation.
Nasayran nga una ng gihimo sa hiniusang pwersa sa PDEA 12 ug Kiamba Municipal Police Station niadtong nakalabayng adlaw ang us aka operasyon. Sumala pa ni Kath Abad ang tigpamaba sa PDEA 12 nga ang nasangpit nga suspek ang lakip sa target listed sa PDEA ug kapulisan sa Kiamba ug kanhi na kining mi-surender sa kapulisan apan wala nag pailawom sa Community Drug Rehabilitation Program sa ilahang barangay.
Dugang pa ni Kath Abad nga ilahang gipanid-an ang nasangpit nga suspek human sa report nga nag padayon kini sa pagpamaligya ug iligal nga droga ingon man nagapahigayon ug pot session iyahang panimalay hinungdan nga gikonsidera kining high value target sa otoridad.
Nasayran nga nakuha sa posisyon sa suspek ang 6 ka pinilong dyaryo nga maysulod nga marijuana ug 9 ka sachet sa kape nga aduna gihapoy sulod nga pinaugang dahon sa marijuana nga nagkantidad 2000 ka pesos. Samtang kasong pagsupak sa sec 11 sa art II sa RA 9165 ang giandam sa PDEA 12 ngadto sa nasangpit nga suspect.
