BACOLOD CITY – Natiruhan ang isa ka drug suspect matapos nga hana ini nga magbato sa mga utoridad sa ginpatigayon nga buy bust operation may mga las 11:30 kagab-i sa Brgy. 19, Bacolod City.
Nakilala ang suspek kag subject sang buybust nga amo si Hervon Aguilar, 40 anyos ang edad, residente sang Purok Mabinuligon, Brgy. 19 sining ciudad sang Bacolod.
Ang buybust ginpatigayon sang City Drug Enforcement Unit, CDEU sang BCPO kag sang Police Station 4 sa balay sang suspek.
Matapos gindaho sang suspek sa police poseur buyer ang isa ka sachet sang suspected shabu ini siya ang gindakup apang nagbuko pa nga magpalupok sang iya .38 calibre nga armas rason nga ini ang natiruhan sang pulis.
Nag-angkon sang igo sang bala sa idalum nga bahin sang iya tuo nga paa ang suspek gani ini gindala sa Corazon Locsin Montelibano Memorial Regional Hospital.
Nakuha sa possession sang suspek ang 7 ka sachet sang suspected shabu, P1,000 nga buybyst money, pusil nga .38 calibre subong man nga mga bala.
Samtang, natigayon man nga madakpan sa amo nga buybust ang 4 ka iban pa nga nakilal anga sanday Johnson Salazar, 38 anyos, taga Brgy. Handumanan, nakuhaan isa ka 2 sang suspected shabu.
Subong man sanday Wennie Casas, 32, residente sang Purok Sabes, Brgy. Villamonte, Vengie Bernasol, 31 kag Verginia Bernasol, 52 lunsay pumuluyo sang Brgy. 19 kon diin ini sila ang nakuhaan sang tag-isa ka sachet sang suspected shabu./dyHB BACOLOD
