General Sntos City–Patay ang drug suspect sa gipahigayon nga search warrant Operation sa kapulisan sa lungsod sa Polomolok, South Cotabato. Giila ang suspek nga si Ian Kit Marilla Ramo, 41 -anyos, residente sa Champaca St. Brgy. Poblacion, Polomolok. Si Ramo ang gikaingong High Value target sa PDEA gumikan sa iligal nga droga ug anaa sa Regional Priority Top Ten on Illegal Drugs Personalities-ug Provincial Top 3 sa Illegal Drug Personalities sa South Cotabato Police Provincial office.
Atol sa operasyon, misukol ang suspek rason nga napusilan kini sa kapulisan nga hinungdan sa iyang kamatayon. Gidala pa sa Polomolok Municipal Hospital ang suspek, apan gideklara kining dead on arrival sa iyang attending physician.
Nakuha sa balay sa suspek ang kilohan, chess board nga may sulod nga 29 ka heat sealed transparent plastic sachets sa gituohang shabu nga may gibug-aton nga lima ka 5 gramos nga nagkantidad ug P 34,300.00 pesos, narekober usab ang 38 revolver ug mga bala. Nasayran nga dunay pending nga kaso nga kalapasan sa Art. II, Sec 11 ug 12 sa RA 9165 ang suspetsado.
