Drug Test Lab sa CdeO, gilaraw’ng sugdan

Gilaraw karon sa kagamhanang local dinhi sa siyudad nga masugdan na ang operasyon sa Drug Testing Laboratory.

 

Kini human gitun-an sa komitiba sa panglawas ni konsehal Malou Gaane ang gipasang nga ordinansa nga nag-establisar sa Cagayan de Oro City Free Standing Screening Drug Testing Laboratory.

 

Ang maong plano pinasikad sa Section 15 sa Local Government Code nga nagmando sa mga lokal nga kagamhanan sa pagpatuman sa mga lakang nga magdala og kaayuhan sa katawhan.


 

Lakip sa gibasehan sa maong balaod mao ang R.A 9165 o Comprehensive Dangerous Drugs Act of 2002 sa tinguha nga mahatagan sa kalampusan ang programa ug mahunong na ang paggamit sa gidiling mga droga.

 

Ang laboratoryo sa City Health Office maoy mosilbi sa katawhan sa dakbayan ingon man sa silingan nga mga LGUs.

 

Ubos sa maong balaod, dunay gipahamtang nga service fee nga 100 ngadto sa 250 pesos nga drug testing fee base sa naaprobahan sa gobyerno.

 

Samtang, kadtong mga Philhealth members, dependents lakip mga hamtong ug sakop sa Pantawid Pamilyang Pilipino Program dili na kinahanglang mobayad.

 

 

Ang laboratoryo dumalahon sa City Health Officer inabagan sa usa ka pathologist.

Facebook Comments