Roxas City, Capiz – Arestado ang 46-anyos nga mister sa ginkasa nga buy bust operation sang mga kapulisan sang Roxas City PNP sa pagpamuno ni Supt. Dante Tayco alas 7:20 kagab-e sa Barangay Bolo.
Ginkilala ang subject person kay Isidro Palma Jr. y Bereber kun sa diin nakuha sa iya ang kabug-osan nga walo tanan ka sachet sang suspected shabu nga ginabanta nagabalor sang 15 mil pesos kun ini na ang mabaligya.
Maluwas diri narekober man sa iya ang isa ka libo ka pesos buy bust money, cellphone, duha ka aluminum foil kag lighter.
Samtang sa Brgy. Bailan Pontevedra, dakop man sang Pontevedra PNP ang subject person nga si Rene Reynaldo y Denaga, 29-anyos sang Concencia Panit-an kun sa diin nakuha sa iya ang duha ka sachet sang suspected shabu kabaylo sang 500 pesos nga buy bust money.
Ang 39-anyos nga persona ang ginakabig nga Newly Identified Street Level Target.
Ang mga ini ang magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
Attachments area
