Drugs & criminality: Top barangay priority

11

Davao City – Tumang kalipay ang sagad gibati karon sa mga kandidato nga midaug sa Barangay ug Sangguniang Kabataang Elections niadtong adlaw’ng Lunes.

Ang ilang pagmaya sa kadaugan baon ang dakung responsibilidad sa pagtuman sa mga saad nga ilang gibuhian sa miaging kampanya nga kun sila pilion ilang silbihan ang katawhan.

Pero sugyot sa katawhan alang sa mga midaog ang mga programa nga angay ipatuman kanang haom sa mga lumulopyo aron dili makawang ang ilang pagkugi sa pagsanong sa mga promiso.

Alang ni Bangsa Iranun Tribe Deputy Mayor Pamikerin Arumpac Jr. nga ang iprayoridad mao ang kontra kriminalidad, kontra droga, ug kalamboan sa imprastraktura sa barangay.

Davao City – Angay isilsil sa utok sa mga midaug nga dapat mahisubay sa nasudnong gobyerno ang tanan nilang mga programa nga buot nilang ipatuman sa barangay sama sa pagsumpo sa droga ug kriminalidad kun peace and order.

Gipasabot ni Pamikerin nga kun ma-istablisar ang kahapsay ug kalinaw dili unya maglisod ang mga opis-yal sa pag-agni sa mga tigpatigayon sa pagbubo og negosyo sa ilang dapit diin ang diriktang makabepis-yo niini mao ang ilang katawhan.

Magsandayong ang kalamboan sa usa ka barangay kun maglatay ang kahapsay ug kalinaw apan kun baluton og kaguliyang ug hulga sa siguridad ang usa ka dapit lubong pa sa lansang sa kahoy matilawan ang ka-uswagan nga gihanduraw sa katawhan.

Busa kun aduna may ipaulahi sa mga programa kana mao ang pagtuldok sa kapobrehon sa mga tawo sa katarungan nga kun ma-una man gud ang kalinaw musunod gayod ang kalamboan sa barangay.

Alang ni Arumpac, dakung hagit sa mga bag-ong napili karon kun unsaon nila pag-umol sa kalamboan ug kauswagan ang barangay nga ilang alagaran kung asa ang magpaharuhay mao ang ilang katawhan mismo.

RadyoMaN Joel Viray

Facebook Comments