Dry run para sa covid vaccination activities sang Bacolod patigayunon sa Pebrero 5

23

Natalana nga patigayunon sang Bacolod COVID-19 Vaccination (CoVac) Council ang isa ka simulation exercises sa maabot nga Biernes, Pebrero 5 bilang kabahin sang preparasyon sang ciudad para sa vaccination program sini kon mag-abot na ang bakuna.

Suno kay City Administrator, Em Ang, executive director sang Emergency Operations Center nga ang simulation activities nga patigayunon sa gym sang Brgy. Villamonte ang maga-test sa systems kag strategies sang vaccination program sang ciudad.


Ang amo nga dry run magalakip sang pick-up kag transport sang bakuna halin sa central cold storage facility kag iban pa nga supplies pakadto sa ginpahamtang nga vaccination areas.

Ini magalakip man sang actual inoculation, monitoring sa sulod sang 30 tubtub 45 minutos matapos ginbakunahan ang isa ka tawo para sa ano man nga adverse effects subong man disinfection sang mga venues kag disposal sang mga infectious wastes.

Pagapangunahan ini sang City Health Office, sa koordinasyon sang Maternal, Neonatal and Child Health and Nutrition Division chief nga amo ang maga-supervise sa mga personnel sang CHO.

[image: image.png]




Facebook Comments