Ginklaro sang pamunuan sang Department of Social Welfare and Development Office ukon DSWD 12 nga wala sang mga empleyado sini ang infected sang coronavirus disease ukon COVID-19, matapos nga may-yara suno pa sang 150 ka mga personnel sang ahensya ang naigo sang nasambit nga balatian.
Paklaro ni DSWD 12 Regional Director Cezario Joel Espejo nga ang nasambit nga datos ang halin sa central office sa Manila kag ang mga trabahante sang ahensya sa rehiyon ang coronavirus free.
Ginpahayag ni RD Espejo nga ang ahensya ang may-yara sang ginahatag nga personal protective equipment sa mga field workers. Dugang pa nga ginapahanugutan man ang mga empleyado nga high risk sa COVID-19 nga mag-work from home.
May-yara man suno pa sang polisiya ang DSWD 12 sa mga empleyado sini nga nagapadulong sa mga areas nga may local transmission nga magpaidalom sa quarantine kag magreport sa barangay para sa monitoring kag ang mga wala sang problema sa medical certificate ang pahanugutan nga magbalik sa trabaho.
Samtang ginapasalamatan naman ni Espejo nga wala sang mga empleyado sang DSWD 12 nga infected sang nasambit nga virus indi kapareho sa iban nga rehiyon nga may mga empleyado sini nga COVID-19 positive.
Nahibaluan nga nagpaggwa sang datos ang DSWD Central Office nga 150 ka mga personnel sini ang infected sang COVID-19 kag 57 ang nakarekober sa balatian.
Nakuha naman suno pa sang mga ini ang virus sang nagpangdistribute sila sang cash aid.
