DSWD 12 pasanyugon ang paghatag sang serbisyo subong nga tuig.

26

Ginpromisa ni DSWD 12 Regional Director Cezario Joel Espejo nga pabakudon pa sang ahensya subong nga tuig ang implementasyon sang mga basic services para sa mga nagakinahanglan nga residente sang rehiyon.
Ini matapos nga sang nagligad nga tuig yara sa masobra 1.1 million ka mga residente sa rehiyon ang nakabenepisyo sang assistance to individuals in crisis-situations, ang emergency measure para sa recovery sang indibidwal kag pamilya nga naapektuhan sang wala ginalauman nga krisis.
Sa nasambit nga numero ang mga benepisyaryo amo ang mga kabataan nga nagakinahanglan sang special support nga yara sa 148,582; youth sector – 1,648; women – 22,608; families – 705,352; senior citizen- 247,984; kag persons with disability- 368.
Subong nga tuig suno kay Epejo ipadayon sang ahensya ang paghatag sang serbisyo kag wala suno pa sang lugar ang korupsyon sa opisina.
Ihatag suno pa ang ayuda sang gobyerno sa nagakinahanglan nga residente sang rehiyon.
Sang nagligad nga bulan ang ahensya ang nakarelease sang P272.1 million nga AICS, nga mataas kumparar sang nagligad.
Suno kay DSWD 12 Protective Division Chief Ellah Aratuc ang mga benepisyaryo ang nakabaton sang transportation, medical, burial, kag education assistance subong man emergency support sa idalom sang Social Amelioration Program.
Dugang pa ni Aratuc nga lakip man suno pa sa nakabaton sang ayuda ang mga former rebels nga nakabaton sang financial assistance sa idalom sang Executive Order 70 (EO-70).

Facebook Comments