DSWD nag-alokar sang P239.9 million para sa emergency assistance subong nga tuig para sa rehiyon dose.

21

Nagalab-ot sa masobra P239.9 million ang gin-alokar nga pondo sang Department of Social Welfare and Development ukon DSWD sa emergency assistance subong nga tuig para sa mga nagakinahanglan nga mga pumuluyo sang rehiyon dose.
Suno kay DSWD 12 Regional Director Cezario Joel Espejo nga ang nasambit nga pondo ang tatlo ka bes nga mataas kumparar sang nagligad nga tuig nga yara lang sa P78 million.
Ginkumpirmar pa ni Espejo nga ang nasambit nga pondo ang aprobado na sang DSWD Central Office.
Ginsiguro man sang DSWD regional director nga magapadulong sa mas nagakinahanglan sang ayuda ang nasambit nga pondo.
Pahayag naman ni Nanig Sanoy, chief sang crisis intervention unit sang DSWD 12 nga ang AICS nga alokasyon subong nga tuig ang magapadulong sa medical assistance, funeral support kag financial assistance sa mga nawad-an sang puluy-an tungod sa insidente sang sunog.
Dugang pa ni Sanoy nga tungod sa COVID-19 madamo sang mga pumuluyo sa rehiyon ang nagakinahanglan sang medical support amo nga ginpataasan ang alokasyon sa emergency assistance agud nga mahatagan sang bulig ang mga pamilya nga yara sa crisis situation.
Nahibaluan nga sang nagligad nga tuig nagalab-ot sa masobra P272.1 million ang narelease sang ahensya sa emergency assistance kag yara sa masobra 1.1 million nga mga residente sang rehiyon ang nakabenepisyo.

Facebook Comments