DSWD: SAP III welcome development

Davao City – Gipasabot karon sa Department of Social Welfare and Development (DSWD) nga mag-agad diha sa mga magbabalaud ang pagpasar og ikatulong Social Amelioration Program (SAP III) pinaagi sa usa ka balaud nga pandayon sa Kongreso.

Sumala ni DSWD Usec. Luz Ilagan, ang una ug ikaduhang tranche gi-base sa ‘Bayanihan to Heal As One Act’ nga usaka balaud nga gipasar sa House of the Representatives.

Matud ni Ilagan nga kung makita sa mga Kongresista nga daku gayud ang panginahanglan ug angayang dugangan ang ayuda sa mga tawo, sila maoy mag-decidir niini.


Gitataw usab ni Ilagan nga dili gayud tanan maapud sa paghatag tungod kay limitado ra usab ang resources sa gobyerno o pundo alang niini.

Segun ni Ilagan, unahon gayud kadtong mga kabus ug timawa nga unang nanginahanglan sa hinanaling panabang.

Giklaro usab ni Ilagan nga angayan nga dili i-base sa quarantine status ang paghatag sa maong matang sa hinabang-pinansyal.

Kahinumdoman nga adunay gisunod nga klarong guidelines gikan sa Inter-Agency Task Force (IATF) diha sa pag-identify sa mga lokalidad nga ipailawom sa usaka matang sa quarantine classification.

RadyoMaN Bernard Pantallon

Facebook Comments