DSWD-XI nagpahimangno labot sa fake news sa senior’s pension

32

Davao City – Nagpahimangno ang Department of Social Welfare and Development (DSWD) Region XI sa publiko nga wala naggikan sa buhatan ang mga mensahe labot sa giingong pag proseso sa pension sa mga senior citizen.

Nasayran nga mikatag karon pinaagi sa text ang mga mensahe nga naghisgot labot sa Social Welfare Fund diin nagatanyag sa proseso ang nagpadala og mensahe pinaagi sa pagpangayo og personal nga impormasyon ug pag-send niini sa ilang gi-provide nga email address.


Gipahibalo sa DSWD-XI ang publiko nga ang maong mensahe dili gikan sa buhaton o sa bisan kinsang personahe niini, rason nga dili angay mutuo dayon labi na kung wala masayri ang source niini.

Matud sa DSWD-XI nga nagabaton sila koordinasyon sa Local Government Unit (LGU) panahon nga adunay anunsyo nga ipahibalo alang sa nga benepisyaryo niini.

RadyoMaN Kirby Manzon

Facebook Comments