DTI: 30 days grace period sa rental payments gipatuman

48

Davao City – Adunay grace period nga 30 ka adlaw alang sa bayad sa renta sa balay ug mga boarding house.

Kini karon ang gipaklaro ni Department of Trade and Industry kun DTI Davao City Director Jinky Remitio human nga gipanubayan sa Public Service Program nga Serbisyong Straight to the Point ang mga mulo sa mga residente dinhi sa syudad sama nila alyas Jay ug Ann nga nangayo’g katubagan sa ilang pangutana dinhi sa sibyahanan bahin sa ilang sitwasyon sa ilang girentahan karon nga gipailawom na ang dakbayan sa Modified General Community Quarantine kun MGCQ.


“Kita sa Davao City naa naman ta sa MGCQ starting July 1, 2020 so under sa MGCQ tanang renta nga mag fall under sa MGCQ due and demandable na gyud ni kay MGCQ na man ta. Kung ang mga renta nga dunay due date nag fall sa GCQ, ECQ, kadto to siya ang subjected for grace period. Example ang atong GCQ was under June, kadtong mga renta for example nga na fall April 30, May 30, June 30 kato siya ang subjected for grace period, 30 days after the lifting of GCQ ug kato siya ang pwede i-subject for 6 months sa equal monthly amortization,” segun ni Remitio.

Matud pa subay kini sa DTI memorandum circular no. 20-31 gani mihatag pa kini og scenario aron mas masabtan pa sa mga renters.

“Example ang renta is P5,000 per month sa boarding house unya ang due date kay April 30, May 30, June 30 kana sya i-add nato that is 15,000. Kana siya pwede i-amortize sa 6 equal monthly payment so P15, 000 i-divide into 6 so P2,500 ang monthly amortization. Sa July 30, assuming sa MGCQ due na gyud tong 5,000 i-add nimo tong P2,500 nga gi-divide earlier and by July 30 ang due nimo is already P7,500,” saysay ni Remitio.

Tambag niini nga kinahanglan maghimo og letter request ang usa ka renter subay sa nasangpit nga guidelines og buot niini mu-avail sa 30 days grace period ug 6 months amortization.

RadyoMaN Renz Barbarona




Facebook Comments