DTI-Davao de Oro nagpatuman og price freeze sa nag-unang palaliton

36
Davao City – Nagpagtuman og price freeze ang Department of Trade and Industry (DTI) Davao de Oro Provincial Office sa nag-unang palaliton o basic necessities sa probinsya.

Kini human gipailawom sa State of Calamity ang entero probinsya tungod sa grabeng pagbaha resulta sa Low Pressure Area (LPA).

Sa resolution 1813-2022 nga gipagawas sa DTI, awtomatikong ipatuman ang price freeze sa mga produkto base sa ilang prevailing prices o pagpailawom niini sa automatic price control sulod sa 60 days o gikan Abril 8 hangtud Hunyo 6, 2022.

Lakip sa basic necessities nga gipailawom sa price freeze mao ang presyo sa sardinas, gatas, kape, noodles, asin, sabon ug bottled water.

Nagpasalamat usab ang mga taga Davao de Oro sa maong lakang labi na sa kalisod alang sa daghanang residente hatud sa kalamidad.

RadyoMaN Kirby Manzon

Facebook Comments