DTTBs ginsapol na sang DOH Regional Director kasunod sang suspension sang ila deployment sa Cebu

15

Nagsapol na si Department of Health Region (DOH) Region 6 Director Marlyn Concovar sa mga Doctor To the Barrios (DTTBs) kasunod sang pag-suspend anay sang mando nga ipadala sila sa Cebu City agud magbulig sa away kontra Covid-19.


Ini ang ginkumpirmar sa DYHB ni Dr. Ma. Sophia Pulmones, head sang Local Health Support Division sang DOH-Center for Health Development in Western Visayas, kag diri mahibaluan kun anu ang masunod nga tikang kasunod sang suspension sang mando sang central office nga ipadala sa Cebu City ang mga DTTBs sa Region 6 kag Region 7.

Ginpahayag ni Dr. Pulmones, nga madamo pa sang mga isyu nga wala nahitso rason nga wala gindayon kahapon ang deployment sang una nga batch sang DTTBs halin sa Iloilo padulong sa Cebu City.

Ginapasiguro man ni Dr. Pulmones nga prayoridad nila ang ikaayong lawas sang mga DTTBs nga natalana ipadala sa Cebu.

Sa nauna naman nga interview sang DYHB kay Dr. Kaye Marie Yap, Rural Health Physician sang Himamaylan City, ginakontra nila ang mando sang DOH national office bangud wala sila sang bastante nga training kag nagaulikid man sila sa bayaan nila nga obligasyon sa ila ginaserbisyuhan nga mga local government units.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments