Dugang 182 million pesos, ihatag sa Amerika alang sa Marawi City

Mokabat sa 182 million pesos ang dugang tabang nga ihatag sa gobyerno sa Amerika alang sa nagpadayong humanitarian relief sa Marawi City.

Ang maong tabang madawat sa gobyerno sa Pilipinas pinaagi sa United States Agency for International Development o U-S-AID.

Tungod niini, mokabat na sa dul-an 1.4 billion pesos ang tabang nga nahatag sa gobyerno sa Amerika alang sa Marawi City.


Pinaagi sa maong tabang pinansyal, makatukod na og 58 mil ka balay ang U-S-AID uban ang gobyerno sa Pilipinas ug humanitarian organizations alang sa mga internally displaced persons.

Plano usab sa U-S-AID nga makigkoordinar sa national ug local government alang sa dugang proteksyon sa mga kababaihan ug kabataan, makatabang sa pagsugod sa lokal nga ekonomiya pinaagi sa mga income-generating activities ug pagtul-id sa water and sanitation facilities.

By: RadyoMaN Annaliza Amontos-Reyes
PC: U.S. Embassy Manila – Information Office

Facebook Comments