Dugang 19 smokers nasita sa Oplan Mapayapa

GENERAL SANTOS CITY – Laing 19 ka mga manigarilyohay ang nasita og naisyuhan sa citation ticket human nadakpan sa kapolisan nga nagpahigayon sa Oplan Mapayapa niaging gabie sa mga barangay San Isidro Mabuhay og Conel.

Ang 19 ka mga indibidwal ang gipaadto sa presinto sa kapolisan tungod sa pagpanigarilyo samtang anaa sa pangpublikong lugar.

Nagpahigayon og saturation drive ang Police Station 4 San Isidro alas-10 ang takna hangtud alas-4 sayo sa kabuntagon.


Human nga matagaan og citation ticket ang 19 ka mga tawo gibuhian sila dihang nakabayad na sa multa ngadto sa City Treasurers Office sa panggamhanang lokal sa dakbayan.

Kahibaw-an nga kada gabie na ang pagpahigayon og Oplan Mapayapa sa kapolisan human gi-extend ang nasangpit nga programa katambayayong ang kapolisan og panggamhanang lokal sa siyudad.

For more info’s and updates, like and share our official facebook account : www.facebook.com/ifm91.9Gensanofficial/

Facebook Comments