Dugang health personnel gipanawagan sa Davao de Oro

26

Davao City – Nanawagan karon og dugang health personnel ang lokal nga gobyerno sa probinsya sa Davao de Oro nga mutabang sa ilahang Coronavirus Disease 2019 (COVID-19) response.

Gibutyag ni Davao de Oro Governor Jayvee Tyron Uy (sa interbyu sa city-owned radio) nga anaa na sa critical level ang isolation units sa Monkayo ug Nabunturan, Davao de Oro.


Samtang, anaa pa sa 45% ug manageable pa ang provincial hospitals ug gipaningkamutan nga dili muabot sa critical level alang sa COVID-19 patients.

Dugang medical frontliners ang panawagan ni Uy sa Department of Health (DOH) alang sa probinsya sa pagpangandam sa surge kun pagsutoy sa kaso sa COVID-19.

“Isa sa gina-meetingan karon nga magpatabang ‘mi sa Department of Health na ma-augmentohan ‘mi og additional doctors and nurses kay naga-prepare ‘ta sa worst case scenario diri sa Davao de Oro,” panawagan ni Uy.

Niadtong Miyerkules (Hunyo 9, 2021) sa dihang miabot sa 514 ang aktibong kaso sa COVID-19 sa Davao de Oro.



Padayon nga gipanawagan sa katawhan ang pagsunod sa minimum public health standards batok COVID-19.


RadyoMaN Kirby Manzon

Facebook Comments