Dugang nga P25.00 tubtob P100.00 nga daily wage ginapropose sang grupo sang mga empleyado sa rehiyon dose.

22

Ginaduso sang grupo sang mga empleyado halin sa pribado nga kumpanya ang pagpasaka sang P25.00 tubtob P100.00 nga daily wage base sa position papers nga ginsang-at sang mga ini sa Regional Tripartite Wages and Productivity Board ukon RTWPB 12 kadungan sang ginpatigayon nga public hearing sang Oktubre 17 subong nga tuig.

Samtang ginahatagan pa sang tubtob Oktubre 29 subong nga tuig ang iban pa nga employee’s union kag ang management nga magsang-at man sang ila nga rekomendasyon.


Ginkumpirmar man ni RTWPB 12 Secretary Jessie dela Cruz nga kadungan sang ginpatigayon nga public hearing nagpresentar man ang mga concern nga ahensya sang gobyerno kapareho sang Department of Trade and Industry, NEDA, Philippine Statistics Authority angot sa socio economic status sang rehiyon.

May-angot sini, suno kay dela Cruz liwat nga magaconvene sa Nobyembre 4 ang board agud nga talakayon ang ginsubmitir nga position papers kag socio economic status sang rehiyon.

Ang nasambit nga tikang sang RTWPB 12 ang base sa Republic Act 6727 (The Wage Rationalization Act) nga kon nag-isa na ka tuig ang wage order i-assess ang wage rates kag tun-an kon bala may supervening condition agud magpatuman sang panibag-o nga wage increase.

Nahibaluan nga sa subong ang minimum wage sa rehiyon dose ang P311.00 sa non –agriculture kag P290.00 sa Agriculture/ Retail kag Service Establishment.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers